नवी दिल्ली: इन्स्टंट मेसेजिंग WhatsApp वरून कर्ज मिळू शकते , असा विचार कुणाच्याही मनात आला नसेल. पण, हे खरंय. WhatsApp ने आपल्या युजर्सना कर्ज देण्याची सेवा सुरू केली आहे. तेही फक्त ५ मिनिटांत. हे कोणत्याही प्रकारचे वैयक्तिक कर्ज नसून व्यवसाय कर्ज असेल. कंपनीच्या म्हणण्यानुसार, व्यवसाय करणाऱ्या युजर्सना १० लाख रुपयांपर्यंतचे कर्ज दिले जाईल. पाहा डिटेल्स. वाचा: नॉन-बँकिंग फायनान्शियल कंपनी () IIFL फायनान्सने WhatsApp द्वारे व्यवसाय करणाऱ्या युजरना कर्ज देण्याची ऑफर दिली आहे. एनबीएफसीतर्फे एक प्रसिद्धीपत्रक जारी करण्यात आले असून त्यात असे म्हटले आहे की , WhatsApp वर त्वरित व्यवसाय कर्ज देणारी ही देशातील पहिली कंपनी आहे. यासाठी युजर्सना किमान कागदपत्रांची आवश्यकता असेल. त्याच वेळी, युजर्सना ५ मिनिटांत हे कर्ज वितरित केले जाईल. येथून युजर्स १० लाख रुपयांपर्यंतचे कर्ज घेऊ शकतात. हे कर्ज देण्यासाठी व्हॉट्सअॅपने कृत्रिम बुद्धिमत्ता बॉट तंत्रज्ञानाचा वापर केला आहे. या बॉटद्वारेच KYC आणि बँक खात्याचे डिटेल्स मॅच केले जातात. जाणून घेऊया सविस्तर. असा करा अर्ज :
- जर तुम्हाला कर्ज घ्यायचे असेल तर तुम्हाला ९०१९७०२१८४ या व्हॉट्सअॅप क्रमांकावर मेसेज पाठवावा लागेल.
- तुम्हाला या नंबरवर हाय मेसेज पाठवावा लागेल. यानंतर तुम्हाला तुमचे नाव आणि व्यवसाय यासारखी माहिती विचारली जाईल.
- यासह भागीदारीशी संबंधित प्रश्नही विचारले जातील. येथे तुम्हाला टर्नओवरची माहिती देखील विचारली जाईल.
- सर्व माहिती सबमिट केल्यानंतर, बॉट तुम्हाला तुमचा तपशील सत्यापित करण्यास सांगेल तुमचा क्रेडिट इतिहास तपासण्यासाठी.
- तुमचे तपशील सत्यापित केल्यानंतर, IIFL तुमचा क्रेडिट इतिहास OTP द्वारे सत्यापित करेल.
- त्यानंतर कर्जाची रक्कम, व्याज दर आणि ईएमआयची संपूर्ण माहिती त्यात दिली जाईल.
- शेवटी तुम्हाला कर्ज मंजूर होण्यापूर्वी तुमच्या पात्रतेनुसार कर्जाची रक्कम निवडण्याची संधी मिळेल.
- कर्ज घेण्यासाठी, युजर्सला बँक खाते आणि IFSC कोड द्यावा लागेल.
- प्रक्रिया पूर्ण झाल्यावर, तुमचे कर्जाचे पैसे तुमच्या बँकेत हस्तांतरित केले जातील.
from Gadget News in Marathi: Computer, Mobile, Auto News in Marathi | Maharashtra Times https://ift.tt/3pxTpjL
https://ift.tt/2Zo5RI4
