नवी दिल्ली. जेव्हा फोन जुना होऊ लागतो तेव्हा बऱ्याच अडचणींना सामोरं जावं लागतं. त्यातील एक म्हणजे बॅटरी लाईफ. फोनच्या वापरानुसार फोनची बॅटरी देखील कमी होत जाते. कधीकधी महत्त्वाची कामे करत असताना अचानक फोन डिस्चार्ज होतो. यामुळे पुन्हा पुन्हा फोन चार्ज करावा लागतो. परंतु, कधीकधी काही लहान-सहान चुकांमुळेही असे घडते. सहसा आपण सर्व या चुका कधी ना कधीतरी करत असतो. त्या चुका कोणत्या ते जाणून घ्या. तसेच या टिप्स फॉलो केल्यास फोनची बॅटरी लवकर संपणार नाही. यासाठी, प्रथम आपल्याला आपल्या फोनवर जावे लागेल. यानंतर तुम्हाला येथे बॅटरीचा पर्याय दिसेल. हा पर्याय प्रत्येक स्मार्टफोनमध्ये वेगवेगळ्या नावाखाली देखील असू शकतो. या पर्यायावर टॅप केल्यानंतर येथे तुम्हाला बॅटरी सेव्हरचा पर्याय दिसेल. यावर क्लिक करा. यानंतर, येथे आपल्याला हा पर्याय चालू करण्यास सांगितले जाईल. हा पर्याय आपल्या फोनचा बॅटरी वापर कमी करण्यात मदत करेल. प्रत्येक फोनमध्ये या पर्यायाचे नाव वेगवेगळे असेल. सॅमसंगमध्ये हे डिव्हाइस केअरमध्ये आहे. हे सुरु करून, background अॅप्स बंद केले जातात आणि वापर देखील कमी होतो. स्थान आणि जीपीएस ट्रॅकिंग बंद करा: बर्याच वेळा असे होते की फोनमध्ये लोकेशन व जीपीएस ट्रॅकिंग चालू असते. नेहमी त्याची आवश्यकता असतेच असे नाही. अशात, स्थान आणि जीपीएस ट्रॅकिंग यापुढे आवश्यक नसतेपर्यंत ते बंद करा.ते सतत सुरु असल्यास फोनची बॅटरी लवकर संपते. अशा परिस्थितीत, आवश्यकतेनुसारच ही वैशिष्ट्ये चालू करा. वॉलपेपर देखील अधिक बॅटरी वापरते: बर्याच वेळा आपण फोनमध्ये लाईव्ह वॉलपेपर ठेवतो. अशात,आपण एखाद्या फोटोला वॉलपेपर म्हणून ठेवले तर ते अधिक चांगले होईल. तसेच, बॅटरीच्या कमी वापरासाठी फोनमध्ये काळ्या रंगाचा वॉलपेपर ठेवावा. ब्राइटनेस कमी ठेवा: आपल्यातील बर्याच जणांना फोनची ब्राईटनेस खूपच जास्त ठेवण्याची सवय असते. असे केल्याने फोनची बॅटरीही डिस्चार्ज होते. म्हणून फोनची बॅटरी अधिक काळ टिकवून ठेवायची असेल तर फोनची ब्राईटनेस कमी ठेवा.
from Gadget News in Marathi: Computer, Mobile, Auto News in Marathi | Maharashtra Times https://ift.tt/3isnIVy
https://ift.tt/3gbN090
