नवी दिल्लीः सॅमसंगने आपल्या स्मार्टफोनच्या किंमतीत कपात केली आहे. कंपनीने या फोनची किंमत १ हजार रुपये कमी केली आहे. खरं म्हणजे कंपनी लवकरच भारतात आपला नवीन फोन Samsung Galaxy A13 5G लाँच करणार आहे. रिपोर्ट्च्या माहितीनुसार, हे डिव्हाइस फेब्रुवारी २०२२ मध्ये येवू शकते. नवीन फोनच्या लाँचिंग आधी कंपनीने आधीच्या मॉडलला स्वस्त केले आहे. जाणून घ्या सॅमसंग गॅलेक्सी ए १२ ची किंमत आणि फीचर्स संबंधीची माहिती. Samsung Galaxy A12 ची नवी किंमत सॅमसंग गॅलेक्सी ए १२ स्मार्टफोनला दोन व्हेरियंट ४ जीबी रॅम प्लस ६४ जीबी स्टोरेज आणि ६ जीबी रॅम प्लस १२८ जीबी स्टोरेज मध्ये आणले आहे. ९१ मोबाइल्सच्या रिपोर्टनुसार, ४ जीबी रॅम व्हेरियंटची किंमत आधी १३ हजार ९९९ रुपये होती. जी आता १ हजार कमी होऊन १२ हजार ९९९ रुपये झाली आहे. याच प्रमाणे ६ जीबी रॅम व्हेरियंटची किंमत १६ हजार ९९९ रुपये होती. ती आता १ हजारांनी कमी होऊन १५ हजार ९९९ रुपये झाली आहे. Samsung Galaxy A12 स्पेसिफिकेशंस Samsung Galaxy A12 स्मार्टफोनला भारतात गेल्यावर्षी ऑगस्ट मध्ये लाँच करण्यात आले होते. स्मार्टफोनमध्ये ६.५ इंचाचा टीएफटी डिस्प्ले दिला आहे. हा डिस्प्ले एचडी+ (720x1,600 पिक्सल) रिजोल्यूशनचा आहे. यात ६ जीबी रॅम पर्यंत रॅम आणि १२८ जीबी पर्यंत स्टोरेज दिले आहे. तसेच ऑक्टा कोर Exynos 850 प्रोसेसर दिला आहे. मायक्रोएसडी कार्डच्या मदतीने फोनचे स्टोरेज १ टीबीपर्यंत वाढवले जाऊ शकते. फोटोग्राफीसाठी यात क्वॉड रियर कॅमेरा सेटअप मिळतो. यात ४८ मेगापिक्सलचा प्रायमरी सेन्सर, ५ मेगापिक्सलचा अल्ट्रा वाइड शूटर, २ मेगापिक्सलचा डेप्थ सेन्सर आणि २ मेगापिक्सलचा मायक्रो सेन्सर मिळतो. सेल्फीसाठी या फोनमध्ये ८ मेगापिक्सलचा फ्रंट कॅमेरा मिळतो. फोनमध्ये 5,000mAh ची बॅटरी दिली आहे. ही बॅटरी १५ वॉट फास्ट चार्जिंग सपोर्ट सोबत येते. स्मार्टफोनमध्ये साइड माउंटेड फिंगरप्रिंट सेन्सर दिले आहे. वाचाः वाचाः वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3zl9Vqf
https://ift.tt/31iAJe3
