नवी दिल्ली : काही कागदपत्रे ही आपल्या जीवनाचा एक भाग आहेत असे म्हटल्यास कदाचित त्यात चुकीचे काहीच नसेल कारण आपल्या बहुतेक कामांसाठी आपल्याला त्यांची गरज भासते. मग ते Pan Card असो किंवा Aadhar card. यासारखेच एक महत्वाचे डॉक्युमेंट आहे ज्याची आपल्याला खूप गरज असते आणि ते म्हणजे Passport . परदेशात प्रवास करण्यासाठी हे सर्वात महत्वाचे दस्तऐवज आहे, याशिवाय तुमचा व्हिसा लागू होत नाही आणि नंतर तुम्ही परदेशात प्रवास करू शकत नाही. वाचा: दुसरीकडे, असेही अनेक लोक आहेत ज्यांच्याकडे अद्याप पासपोर्ट नाही. अशात ज्या लोकांना पासपोर्ट बनवायचा आहे परंतु कार्यालयात जाणे टाळायचे आहे. ते आता घरी बसून पासपोर्ट मिळवू शकतात. त्यासाठी तुम्हाला एकदाच पासपोर्ट ऑफिसमध्ये जावे लागेल. अशा परिस्थितीत आता पासपोर्ट मिळणे खूप सोपे झाले आहे. जाणून घेऊया ऑनलाइन पासपोर्ट कसा काढायचा यासाठी तुम्हाला काही स्टेप्स फॉलो कराव्या लागतील.
- सर्वप्रथम तुम्हाला पासपोर्ट सेवेच्या अधिकृत वेबसाइट https://ift.tt/3sd1l8k वर जावे लागेल आणि नाव, नंबरच्या मदतीने येथे स्वतःची नोंदणी करावी लागेल.
- यानंतर, तुम्हाला अर्जदाराचे नाव, मोबाईल नंबर, ईमेल आयडी, जन्मतारीख आणि जवळच्या पासपोर्ट कार्यालयाची माहिती द्यावी लागेल.
- त्यानंतर तुम्हाला पासपोर्ट सेव्ह करण्याच्या पर्यायावर क्लिक करावे लागेल.
- यानंतर तुम्हाला Apply for Fresh Passport/Reissue of Passport या पर्यायावर क्लिक करावे लागेल आणि नंतर Click Here To Fill या पर्यायावर क्लिक करावे लागेल.
- यानंतर, पुढील पेजवर क्लिक केल्यानंतर, सर्व माहिती योग्यरित्या भरावी लागेल आणि नंतर सबमिट वर क्लिक करावी लागेल . त्यानंतर तुम्हाला सेव्ह केलेले/सबमिट केलेले अर्ज पहा वर जावे लागेल आणि नंतर ऑनलाइन पेमेंट करावे लागेल.
- हे सर्व झाल्यानंतर तुम्हाला तुमच्या जवळच्या पासपोर्ट ऑफिसमध्ये अपॉइंटमेंट घ्यावी लागेल, ज्यासाठी तुम्हाला पे आणि बुक अपॉइंटमेंटवर क्लिक करावे लागेल.
- त्यानंतर तुम्हाला फॉर्मची पावती प्रिंट करावी लागेल.
- त्यानंतर तुम्हाला पासपोर्ट ऑफिसमध्ये जावे लागेल. त्यानंतर तुमचे पोलिस व्हेरिफिकेशन होईल.
- काही दिवसांनी तुमचा पासपोर्ट तुमच्या घरी येईल.
from Gadget News in Marathi: Computer, Mobile, Auto News in Marathi | Maharashtra Times https://ift.tt/3nW0NUZ
https://ift.tt/3xsZQXk
