नवी दिल्ली: भारतीय बाजारपेठेत, प्रत्येकच विभागात प्रोडक्टस सातत्याने लाँच केले जाते. कंपन्या युजर्सच्या गरजेनुसार प्रत्येक विभागात एकापेक्षा जास्त उत्पादने लाँच करत राहतात. यूएस-आधारित आघाडीची ग्राहक उपकरणे कंपनी व्हाईट-वेस्टिंग हाऊसने एक वर्षापूर्वीच त्याच्या अर्ध-स्वयंचलित श्रेणीच्या प्रक्षेपणाने भारतीय बाजारात प्रवेश केला. आता कंपनीने या सणासुदीत टॉप आणि फ्रंट लोड पूर्णपणे स्वयंचलित वॉशिंग मशीन मॉडेल लाँच केले आहेत. वाचा: व्हाईट-वेस्टिंगहाउस फ्रंट आणि टॉप लोड किंमत: कंपनीने Amazon-फ्लिपकार्टवर पूर्णतः स्वयंचलित फ्रंट लोड आणि पूर्णपणे स्वयंचलित टॉप लोडची संपूर्ण श्रेणी सादर केली आहे. त्यांच्या किंमतीबद्दल बोलायचे झाले तर, ६.५ किलो टॉप लोड मशीनची किंमत १२,४९९ रुपये आहे. त्याचबरोबर ७.५ किलो टॉप लोड मशीनची किंमत १४,४९९ रुपये आहे. या व्यतिरिक्त, फ्रंट लोड वॉशिंग मशीनबद्दल सांगायचे तर ८.५ किलो मशीनची किंमत २३,४९९ रुपये आहे. तर,१०.५ किलो मशीनची किंमत २३,४९९ रुपये आहे. ही हेवी ड्यूटी मालिकेतील ब्रँडची ही पहिली ऑफर आहे. या सणासुदीच्या काळात कंपनीने ३०,०० युनिट्सची विक्री करण्याचे लक्ष्य ठेवले आहे. यासह, कंपनी घरगुती बाजारावर देखील लक्ष केंद्रित करत आहे, जेथे पूर्ण स्वयंचलित विभाग वॉशिंग मशीनच्या बाजारपेठेत सुमारे ६० टक्के योगदान देण्याची अपेक्षा आहे. इंडिया ब्रँड परवानाधारक व्हाईट-वेस्टिंगहाऊस कंपनीच्या वरिष्ठ उपाध्यक्ष पल्लवी सिंग यांनी सांगितले की, “ब्रँड म्हणून व्हाईट-वेस्टिंगहाऊसमध्ये बरीच क्षमता आहे आणि त्यावर टिकून राहण्याचे आमचे ध्येय आहे. हे लक्षात घेऊन, आम्ही भारतातील आमचा बाजार विस्तारण्यासाठी WWH उत्पादनांच्या R&D मध्ये सुमारे ५०० कोटी गुंतवण्याचा विचार करत आहोत. आमच्या पूर्णपणे ऑटो मशीन लाँच केल्याने आणि आमच्या एसए रेंजमध्ये भर घालून, आम्ही या काळात ३०,००० युनिट्स मिळवण्याची योजना आखत आहोत. पूर्णपणे स्वयंचलित हा सर्वात वेगाने वाढणारा विभाग आहे. ग्राहक नेहमी अशा उत्पादनांच्या शोधात असतात जे त्यांचे जीवन सुलभ करू शकतात. कारण, जास्त काम आणि जबाबदाऱ्यांमुळे ते घरी लक्ष देऊ शकत नाहीत. व्हाईट-वेस्टिंगहाऊस हा जगातील एक विश्वासार्ह ब्रँड आहे आणि आम्हाला विश्वास आहे की, आमच्या नवीन श्रेणीसह, ग्राहक ते आवडेल. भारताचे वाढते उत्पन्न, ग्रामीण विद्युतीकरण हे भारतीय वॉशिंग मशीन बाजाराच्या वाढीस चालना देणारे काही प्रमुख घटक आहेत, जे २०२६ पर्यंत १६९८ दशलक्ष डॉलर्सवर पोहोचण्याचा अंदाज आहे. WWH ने पुढील २ वर्षात या विभागात ३ टक्क्यांपेक्षा जास्त बाजारपेठ मिळवण्याचे लक्ष्य ठेवले आहे. तसेच, युजर्स सध्या घरी अधिक वेळ घालवत आहेत आणि त्यांना त्यांच्या घरातील कामे स्वयंचलित करायची आहेत. यामुळे प्रथमच युजर्स आणि डिव्हाइस अपग्रेड करण्यास इच्छुक असलेले ग्राहक वाढले आहेत. कोविड साथीच्या रोगापासून, ही डिव्हाइसेस ग्राहकांसाठी एक आवश्यक उत्पादन बनली आहेत. अशा परिस्थितीत, आजच्या काळात ग्राहकांच्या काम करण्याच्या, राहण्याच्या, जोडण्याच्या आणि बोलण्याच्या पद्धतीमध्ये स्पष्ट बदल झाला आहे. फ्रंट लोड वॉशिंग मशीन ची वैशिष्ट्ये:: मशीनची कमाल क्षमता ८.५ किलो आहे. यात इंटेलिजंट वॉशिंग सिस्टीम, ऑटो बॅलन्स, फोम सेन्सिंग आणि रिमूव्हल सारखी वैशिष्ट्ये येतात. त्यात गरम आणि थंड पाण्याची निवड आहे. तसेच हे ऑटो रीस्टार्ट वैशिष्ट्यासह येते. ते ४८ एल/सायकल दराने पाणी वापरते. तसेच, ते ०.७८ kWh/सायकलच्या दराने ऊर्जा वापरते. हे A ++ ऊर्जा कार्यक्षम वर्गासह येते. त्याची परिमाणे ५९५ x४४०x८४० मिमी आहेत. अतिरिक्त फीचर्सबद्दल सांगायचे तर, प्रीवॉश, टब क्लीन, स्पिन ओनली, नो स्पिन, चाइल्ड लॉक सारखे फीचर्सही त्यात देण्यात आले आहेत. त्याच वेळी, रनिंग टाइम इंडिकेटर देखील दिला आहे. त्याचबरोबर, स्टार्ट/पॉज इंडिकेशन, डोअर लॉक इंडिकेशन, एरर मेसेज इंडिकेशन आणि एरर मेसेज अलार्म सारखी फीचर्सही देण्यात आली आहेत. टॉप लोड वॉशिंग मशीनची वैशिष्ट्ये: मशीनची क्षमता ७.५ किलो पर्यंत आहे. त्याची कमाल फिरण्याची गती ७०० RPM आहे. त्याच वेळी, त्याचा आवाज पातळी ६० डीबी आहे. मशीन २३० व्होल्टवर काम करते. यात मल्टी वॉश प्रोग्राम, चाइल्ड लॉक आणि फजी लॉजिक सारखी सुविधा देण्यात आली आहे. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3tRC3hR
https://ift.tt/3zkvyVQ
