नवी दिल्ली : हँडसेट निर्माता Poco ने बजेट सेगमेंट मधील ग्राहकांसाठी आपला नवीन स्मार्टफोन लाँच केला आहे. या स्मार्टफोनच्या महत्त्वाच्या वैशिष्ट्यांविषयी सांगायचे तर, हा Poco मोबाईल फोन P2i नॅनो कोटिंग, मजबूत बॅटरी आणि ट्रिपल रियर कॅमेरा सेटअपसह सादर करण्यात आला आहे. पाहा डिटेल्स. वाचा: Poco C31 : वैशिष्ट्ये डिस्प्ले आणि सॉफ्टवेअर: फोनमध्ये ६.५३ इंच HD + (७२० x१६०० पिक्सेल) LCD डिस्प्ले आहे. हा फोन २० :९ आस्पेक्ट रेशियो आणि TUV Rheinland Low Blue Light प्रमाणपत्रासह लाँच करण्यात आला आहे. प्रोसेसर, रॅम आणि स्टोरेज: स्पीड आणि मल्टीटास्किंगसाठी, MediaTek Helio G35 SoC ,४ GB पर्यंत RAM आणि ६४ GB पर्यंत स्टोरेज आहे. मायक्रोएसडी कार्डच्या मदतीने स्टोरेज ५१२ जीबी पर्यंत वाढवणे शक्य आहे. बॅटरी: फोनला अधिक पॉवर देण्यासाठी ५००० mAh ची बॅटरी देण्यात आली असून ती २ दिवसांपर्यंत टिकते असा दावा कंपनीतर्फे करण्यात आला आहे. कनेक्टिव्हिटी: सुरक्षेसाठी फोनच्या मागील पॅनलवर फिंगरप्रिंट सेन्सर आणि फोन फेस अनलॉक सपोर्ट आहे. या व्यतिरिक्त, फोन ३.५ मिमी हेडफोन जॅक, ब्लूटूथ आवृत्ती ५, मायक्रो यूएसबी पोर्ट, वाय-फाय 802.11 b / g / n, ड्युअल VoLTE आणि VoWiFi समर्थित आहेत. कॅमेरा: बॅक पॅनलवर तीन रिअर कॅमेरे देण्यात आले आहेत, १३ मेगापिक्सलचा प्रायमरी कॅमेरा आणि २ मेगापिक्सलचे दोन कॅमेरा सेंसर देण्यात आले आहेत. सेल्फीसाठी फोनच्या समोर ५ मेगापिक्सलचा कॅमेरा सेन्सर देण्यात आला आहे. भारतात Poco C31 ची किंमत : नवीन Poco मोबाईल फोनच्या ३ जीबी रॅम आणि ३२ जीबी स्टोरेज व्हेरिएंटची किंमत ८,४९९ रुपये आणि ४ जीबी रॅमसह ६४ जीबी स्टोरेज व्हेरिएंटची किंमत ९,४९९ रुपये आहे. कंपनीने हा फोन रॉयल ब्लू आणि शॅडो ग्रे या दोन कलर व्हेरिएंटमध्ये लाँच केला आहेत. उपलब्धतेबद्दल बोलायचे झाल्यास, हँडसेटची विक्री फ्लिपकार्ट बिग बिलियन डेज सेलसह ३ ऑक्टोबरपासून सुरू होईल. Poco C31 लाँच ऑफर्स: फ्लिपकार्ट सेलमध्ये तुम्हाला ५०० रुपयांच्या सूटसह Poco C 31 चे दोन्ही व्हेरिएंट मिळतील. म्हणजे, डिस्काउंट नंतर तुम्हाला फोन अनुक्रमे ७,९९९ आणि ८,९९९ रुपयांना मिळेल. याशिवाय, अॅक्सिस बँक आणि आयसीआयसीआय बँक कार्डवर अतिरिक्त १० टक्के सूट असेल. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3olETuI
https://ift.tt/39Rg2Xy
