नवी दिल्लीः जगभरातील स्मार्टफोन्सवर गुगलचे पॉप्युलर अॅप्स बंद होणार आहेत. कंपनी या महिन्याच्या अखेरपर्यंत लाखो स्मार्टफोन्समधील Google Maps, YouTube, आणि Gmail सारखे अॅप्सचे सपोर्ट बंद करण्यात येणार आहे. गुगलने याची माहिती आपल्या वेबसाइटवर दिली आहे. कंपनीने म्हटले की, अँड्रॉयड २.३ व्हर्जनचा वापर करणाऱ्या युजर्संना २७ सप्टेंबर पासून आपल्या फोनवर गुगल अकाउंट लॉगिन करता येणार नाही. गुगल अँड्रॉयड २.३ ऑपरेटिंग सिस्टम डिसेंबर २०१० मध्ये आणले होते. गुगल असे का करतेय गुगलने म्हटले की, आपल्या ग्राहकांच्या सुरक्षेसाठी जुन्या प्लॅटफॉर्मला सपोर्ट करणे परत घेत आहे. कंपनी नेहमी अँड्रॉयड सॉफ्टवेयरच्या जुन्या व्हर्जनचा सपोर्ट परत घेत आहे. ऑपरेटिंग सिस्टमच्या जुन्या व्हर्जनला बग आणि हॅकर्स सहज लक्ष्य करू शकतात. सध्या अँड्रॉयड ११ सर्वात लेटेस्ट अँड्रॉयड व्हर्जन आहे. लवकरच अँड्रॉयड १२ ऑपरेटिंग सिस्टम येणार आहे. गुगलच्या या निर्णयाने अँड्रॉयड २.३ व्हर्जनवर सुरू असलेल्या डिव्हाइसवर गुगल अकाउंट चालणार नाहीत. युजर्संनी योग्य डिटेल्स टाकल्यानंतर युजरनेम आणि पासवर्ड एरर दिसेल. डिव्हाइसच्या सेटिंग मेन्यू मध्ये गुगल कॅलेंडर किंवा जीमेल अकाउंट जोडण्यावर एरर दिसेल. गुगलचे जे अॅप आहेत ते काम करणे बंद करतील. त्यात YouTube, Google Play Store, Google मॅप्स, Gmail, Google कॅलेंडरचा समावेश आहे. अपग्रेड करा आपला फोन गुगलच्या पॉप्युलर अॅप्सचा वापर जारी ठेवण्यासाठी तुम्हाला आपला स्मार्टफोन अँड्रॉयड ३.० मध्ये अपग्रेड करावा लागणार आहे. यासाठी तुमच्या डिव्हाइसच्या सेटिंग मध्ये जावून सिस्टममध्ये जा. त्यानंतर Advanced वर टॅप करुन System Update वर जा. परंतु, अँड्रॉयड २.३ चालवणारे सर्वच डिव्हाइस पुढील व्हर्जन मध्ये अपग्रेड होणार नाहीत. वाचा: वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3jSSHKC
https://ift.tt/38OGCjs
