नवी दिल्ली: ग्लोबल स्मार्टफोन ब्रँड Tecno ने अपेक्षेप्रमाणे आज, सोमवारी आपला नवीन स्मार्टफोन लाँच केला. नवीन TECNO POVA 2 फोन ७००० mAh बॅटरीने सुसज्ज आहे. नवीन फोनसह आक्रमक किंमतीत चांगली बॅटरी लाइफ आणि स्पीड असलेली डिव्हाईस देण्याचा कंपनीचा मानस आहे. जाणून घ्या Tecno Powa 2 ची किंमत आणि वैशिष्ट्यांबद्दल सविस्तर. वाचा: Tecno Powa 2: किंमत आणि उपलब्धता Tecno Pova 2 स्मार्टफोन ५ ऑगस्टपासून विक्रीसाठी उपलब्ध करण्यात येणार असून फोनच्या ४ जीबी रॅम आणि ६४ जीबी स्टोरेज व्हेरिएंटची किंमत १०,४९९ रुपये आहे तर ६ जीबी रॅम आणि १२८ जीबी स्टोरेज व्हेरिएंट १२,४९९ रुपयांमध्ये घेता येईल. ही किंमत मर्यादित कालावधीसाठी उपलब्ध असेल. मर्यादित कालावधी संपल्यानंतर, हँडसेट अनुक्रमे १०,९९९ आणि १२,९९९ रुपयांमध्ये उपलब्ध होईल. स्मार्टफोन डॅझल ब्लॅक, पोलर सिल्व्हर आणि एनर्जी ब्लू रंगाच्या पर्यायामध्ये खरेदी करता येईल. Tecno Pova 2: स्पेसिफिकेशन्स Tecno Pova 2 मध्ये ६. ९५ फुलएचडी + डॉट-इन डिस्प्ले आहे. हँडसेटमध्ये उच्च कार्यक्षमतेसाठी मीडियाटेक हेलिओ जी ८५ ऑक्टा-कोर प्रोसेसर देण्यात आले आहे. प्रोसेसर इन-बिल्ट हायपर इंजिन गेमिंग तंत्रज्ञानासह येतो. फोनमध्ये ७००० mAh ची बॅटरी आहे जी १८ W ड्युअल आयसी फास्ट चार्जिंगला सपोर्ट करते. कंपनीचा दावा आहे की, बॅटरी ४६ दिवसांपर्यंत स्टँडबाय, २३३ तास संगीत प्लेबॅक आणि ४९ तासांपर्यंत कॉलिंग वेळ प्रदान करेल. हा टेक्नो फोन ४ जीबी रॅम आणि ६४ जीबी स्टोरेज, ६ जीबी रॅम आणि १२८ जीबी इनबिल्ट स्टोरेज मध्ये उपलब्ध असेल. स्टोरेज मायक्रोएसडी कार्डद्वारे वाढवता येते. फोटोग्राफीसाठी फोनमध्ये ४८ मेगापिक्सलचा प्राथमिक कॅमेरा असलेला क्वाड कॅमेरा सेटअप देण्यात आला आहे. याशिवाय, २ मेगापिक्सेल मॅक्रो, २ मेगापिक्सेल डेप्थ सेन्सर देखील आहे. हँडसेटमध्ये ८ मेगापिक्सलचा डॉट-इन एआय सेल्फी कॅमेरा आहे. कॅमेरा टाइम-लेप्स, आय ऑटो फोकस, व्हिडीओ बोकेह अशा मोड्सला सपोर्ट करतो. Tecno Powa 2 च्या बाजूला फिंगरप्रिंट सेन्सर असून फोनमध्ये फेस अनलॉक फीचर देखील आहे. गेम स्पेस २.०, गेम व्हॉइस चेंजर, सिस्टीम टर्बो २.० सारखी फीचर्सही फोनमध्ये देण्यात आली आहेत. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3C5PfmV
https://ift.tt/3rRTAWb
